Proxecto > Obxectivos

Un proxecto innovador que coida o planeta e implica a cidadanía

Os beneficios de ESTRAEE abarcan desde a xestión eficaz dos residuos ata a economía circular, o emprego verde e a creación de sinerxías a ambos os dous lados da fronteira. Todo iso coa participación fundamental da cidadanía. Estes son os seus obxectivos:

  • Obxectivo 1

    Impulsar o espazo transfronteirizo Galicia-Norte de Portugal e a xestión dos residuos eléctricos e electrónicos (RAEE) implicando cidadanía, Administración local, fabricantes e produtores, a través dos Sistemas de Responsabilidade Ampliada do Produtor (SRAP), e xestores, no marco da normativa vixente, en España o Real decreto 110/2015 e en Portugal o Decreto lei 67/2014.

  • Obxectivo 2

    Impulsar a economía circular de mercado de materias primas secundarias, especialmente as consideradas críticas pola súa importancia estratéxica para un modelo económico sostible.

  • Obxectivo 3

    component2

    Promover a innovación, o desenvolvemento tecnolóxico e a xeración de emprego verde, aquel que preserva ou restaura o medio ambiente.

  • Obxectivo 4

    component4

    Mellorar a recollida e a xestión municipal dos residuos derivados de grandes electrodomésticos e equipos informáticos e de telecomunicacións en desuso.

  • Obxectivo 5

    AdobeStock_264268144

    Mellorar as redes existentes de recollida de RAEE, potenciando as sinerxías entre as rexións limítrofes do norte de Portugal e Galicia.

  • Obxectivo 6

    Caracterizar e comparar o impacto ambiental de diferentes procesos para a xestión de residuos de grandes electrodomésticos e equipos informáticos e de telecomunicacións.

  • Obxectivo 7

    Imaxe objetivo

    Demostrar que, a través da prevención, a preparación para a reutilización e unha adecuada separación na xestión dos residuos se poden resolver as problemáticas asociadas a outros RAEE..

  • Obxectivo 8

    pareja+reciclando

    Sentar as bases para unha óptima reutilización de residuos de grandes electrodomésticos e de equipos informáticos e de telecomunicacións, escalable para a xestión doutros RAEE.

  • Obxectivo 9

    AdobeStock_264268144

    Promover o uso eficiente dos recursos mediante a reciclaxe e outras formas de valoración dos RAEE.

  • Obxectivo 10

    vasos+reciclaje

    Xerar actividades e empregos que aumenten a eficiencia enerxética, reduzan os residuos e a contaminación, limiten a emisión de gases de efecto invernadoiro e contribúan a paralizar o cambio climático.

  • Obxectivo 11

    Imaxe objetivo

    Aumentar a concienciación cidadá sobre a necesidade dunha correcta xestión deste tipo de residuos polos altos beneficios que reporta para o coidado ambiental, a economía e a innovación.